Irwanda

HRW ishinja igisirikare cy’u Rwanda kwica imfungwa urubozo.







Umuryango uharanira uburenganzira bwa muntu “Human Rights Watch (HRW)” mu cyegeranyo wasohoye, ushinja igisirikare cy’u Rwanda ibyaha birimo kwica imfungwa urubozo, Leta y’u Rwanda ikabihakana ivuga ko ari ukuyibasira.


Uyu muryango ufite ikicaro muri Leta zunze ubumwe za Amerika, muri icyo cyegeranyo cy’amapaji 91 wasohoye ku wa Kabiri tariki ya 10 Ukwakira 2017, uvuga ko imfungwa 104 zari zifunzwe mu buryo butemewe n’amategeko muri gereza hagati y’umwaka wa 2010 na 2016 zakorewe iyica rubozo.

Nk’uko wanabitangaje ku rubuga rwa interineti rwawo, uvuga ko izo mfungwa zakorewe iyicarubozo, ukemeza ko abakorewe ibyo byaha biganjemo abakekwa kuba bakorana n’imitwe y’abatavuga rumwe na Leta barimo abahoze mu mutwe wa FDLR.


HRW ivuga ko abahohotewe bavuganye na bo bayibwiye ko bategetswe gushira imikono ku makuru atariyo, babanje gushyirwaho iterabwoba ry’uko batabikoze bakwicwa.

Muri icyo cyegeranyo kandi, kinashinja abacamanza n’ubashinjacyaha bw’u Rwanda kwirengagiza ibirego by’abakorewe ibyaha n’igisirikare cy’u Rwanda.

Abicishije ku rukuta rwe rwa Twitter, intumwa nkuru ya Leta y’u Rwanda, Min. Johnston Busingye, yavuze ko Leta y’u Rwanda nta mikoranire igifitanye na HRW, ndetse ko ibyo itangaza ku Rwanda ari ukurwibasira.

Yagize ati “Nta kuri kuri muri raporo ya HRW, u Rwanda na rwo rufite uruhare mu kurwanya iyicarubozo, hari amategeko abigenga yubahirizwa mu gihugu, HRW igarura ibyahise, by’inyoma, ibirego bidafite ishingiro, bidafite gihamya ifatika,…”.

Yakomeje avuga ko raporo za HRW zikomeza gusohoka ari zimwe kandi ziharabika u Rwanda. N’abandi bayobozi batandukanye mu Rwanda bagiye bagira icyo bavuga kuri iyi raporo, ko atari ubuvugizi bw’uburengenzira bwa muntu ahubwo ko ari ubuvugizi burimo politiki bukoranwa ubuhubutsi.

Muri Nyakanga na bwo uyu muryango wasohoye icyegeranyo ushinja inzego z’umutekano z’u Rwanda ubwicanyi ngo bukorerwa abantu bataciriwe imanza. HRW ikavuga ko inzego z’umutekano nk’igisirikare na polisi zagiye zitwara abantu bakoze ibyaha byoroheje nk’ubujura, zihagarikiwe n’abayobozi ba gisivili, bakajyanwa bakicwa.

Min. Busingye yavuze ko uyu muryango ukeneye ko bawitaho kandi wabeshye ku bwende muri raporo, avuga kandi ko igihe ari iki ngo iyi miryango mpuzamahanga iharanira uburenganzira bwa muntu ikore kinyamwuga cyangwa ive muri uru rwego,  Ati “Nicyo gihe ngo iyi miryango ikure kandi ibe inyamwuga cyangwa ive muri business z’uburenganzira bwa muntu”.




RDF Commandos on training at Nasho, eastern Rwanda




1396 Views

Kwamamaza

Sponsored Content

Tip! #RW

Julia Mukankusi and we others DotRW offering Web Hosting, VPS, Domain Name, Premium SEO, link building, web development and AdWords. Learn more about our services .

IBITEKEREZO

TANGA IGITEKEREZO

AMAZINA
E-MAIL
ANDIKA ICYO UTEKEREZA KURI IYI NKURU


#Amakuru #Hanze #Imikino #PaulKagame

Sponsored Content